“Иссиқлик электр станциялари” АЖ мустақил ташқи аудиторлик ташкилотлари ўртасида танлов ўтказилиши ҳақида эълон қилади.

Ўзбекистон Республикасининг “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуннинг 84-моддасига асосан Жамият билан тузилиши кутилаётган йирик битим ҳамда битимнинг шартларини ўрганиш мақсадида мустақил ташқи аудиторлик ташкилотини танлаш бўйича танлов эълон қилади.

Танловда иштирок этиш учун мустақил ташқи аудиторлик ташкилотлари қуйидаги ҳужжатларни ёпиқ ҳолда тақдим қилиши лозим:

• аудиторлик фаолияти билан шуғулланиш ҳуқуқини берувчи лицензиянинг нусхаси;
• аудиторлик ташкилоти тўғрисидаги маълумот;
• иштирокчининг танловда қатнашиши бўйича таклифи ва аудиторлик текширув ўтказишнинг дастлабки қиймати;
• аудиторнинг малака сертификатлари ва бошқа халқаро сертификатлар нусхалари;
• корпоратив бошқарув ёки қимматли қоғозлар бозори соҳасида сертификатлар нусхалари;
• аудиторлик ташкилотининг энг йирик мижозлари рўйхати ва соҳада тегишли иш тажрибаси;
• суғурта полисининг нусхаси;

Тижорат таклифларини 2023 йил 6 июнь соат 15.00 га қадар қуйидаги манзилга юборишингиз мумкин: Ўзбекистон Республикаси, 100097, Тошкент шаҳар, Чилонзор тумани, Бунёдкор шоҳ кўчаси 23-уй.

Шунингдек, таклифлар Жамиятнинг қуйидаги электрон манзилига юборилиши мумкин: info@tpp.uz.

Маълумот учун телефонлар: (71) 276-48-46, (71) 276-48-03.